Sumqayıtda piyada zolağını rəngləmək əvəzinə başqa xətt çəkdilər - ŞİKAYƏT - FOTO

Sumqayıt şəhəri, Zülfü Hacıyev küçəsində xoşagəlməz mənzərə yaranıb.

Bu barədə izləyicilərdən biri Avtosfer.az-ın “Facebook” ünvanına fotoşəkillər göndərib. Görüntülərdən aydın olduğu kimi, sözügedən küçədə silinmiş piyada zolağını yeniləmək əvəzinə üzərinə qırıq xətlər (1.5 nişanlanma xətləri) çəkilib. Lakin zolaq silinsə də ərazidə piyada keçidi nişanı qalıb. Şikayətçinin sözlərinə görə, nəticədə ərazidən keçən sürücülər piyadalara yol vermədən yüksək sürətlə hərəkətlərinə davam edirlər. Bu isə həm sürücülərin, həm də piyadaların həyatını təhlükəyə atır. Eyni zamanda bəzi sürücülər nəqliyyat vasitələrini keçidin üzərində, yaxud yaxınlığında saxlayırlar. 

Qeyd edək ki, sözügedən küçə avtomobillərin intensiv hərəkətdə olduğu yoldur və ərazidə yaşayış binaları, park mövcuddur. 

Nərmin