Sumqayıtda prospekti təmir məqsədilə qazıb aylardır asfaltlamırlar – ŞİKAYƏT - VİDEO

Sumqayıt şəhərinin mərkəzi küçəsində yoldakı qazıntı işləri sürücüləri narahat edir.

Avtosfer.az xəbər verir ki, Sumqayıt şəhərinin Heydər Əliyev prospektində aparılan təmir işləri uzun müddətdir ki yekunlaşıb. Şəhərin Səhiyyə şöbəsinin qarşısından başlayıb Nəriman Nərimanov Adına Mədəniyyət evinə doğru uzanan hissədə qaz borularında aparılan təmir işləri səbəbindən yol uzun müddət birtərəfli istifadə edilib. Daha sonra işlər yekunlaşsa da, yol asfaltlanmayıb. Bu isə avtomobil idarəçilərinin narazılığına səbəb olub. Hətta şəhərdə ictimai nəqliyyatı inkişaf etdirmək üçün yeni avtobuslar gətirilib, lakin bu nəqliyyat vasitələri də təmir gedən ərazidən keçdiyi üçün nasazlıqların yaranmasına səbəb olur.

Sakinlər aidiyyəti qurumların tezliklə məsələni həll etməsi və yoldakı yaranan problemin yaxın müddətdə həllini tələb edib.

Səfər