Sumqayıtın mərkəzi küçəsində vəziyyət; yolda çuxurlar var, amma xətləmə işi görülüb - FOTO

Sumqayıt şəhərini Tağıyev qəsəbəsi ilə əlaqələndirən yoldakı vəziyyət sürücüləri narahat edir.

Avtosfer.az xəbər verir ki, şəhərin Səməd Vurğun küçəsinin “Esmira” şadlıq evinin qarşısından keçən hissəsində yolun bərbad vəziyyəti vətəndaşların narazılığına səbəb olub. Belə ki, bir müddət əvvəl Səməd Vurğun küçəsində ümumilikdə nişanlama xətləri yenilənsə də, yolda hansısa təmir işləri görülməyib. Məhz “Esmira” şadlıq evinin qarşısında (üzü Tağıyev qəsəbəsi istiqamətində) yoldakı çuxurlar təhlükə yaradır.
Sürücülərin narazılığı ondan ibarətdir ki, xətləmə işləri aparılmazdan qabaq asfaltlama işləri görülməsi vacib idi. Vətəndaşlar yaranmış problemin aidiyyəti qurumlar tərəfindən nəzarətə götürülməsi və həll edilməsini tələb edirlər.

Səfər