Süni intellektin biznesə zərəri xeyrindən çoxmuş

Bir neçə il əvvəl biznesmenlərin süni intellektə böyük ümidləri vardı: xərc azalacaq, işçilərlə daimi təmasa ehtiyac qalmayacaq, istehsal tempi sürətlənəcək, səmərəlilik artacaq və sair. Son aylarda isə süni intellektdən narazı qalanların sayı artır. Həm də bu narazılar təkcə işini itirmək riski olanlar deyil, həm də böyük biznes sahibləridir. 

Avtosfer.az xəbər verir ki, artıq bir çox böyük şirkət süni intellektlə bağlı proqramlarını dəyişir. Bunu bir səsəbi lisenziya və proqram təminatının bahalığıdırsa, digər əsas səbəb xətalar və əməkdaşların motivasiyasının azalmasıdır.

Məsələn, əməkdaşların işi azalmaq əvəzinə, artır. Süni intellektin təqdim etdiyi informasiyanı daha ciddi yoxlamaq, səhvləri düzəltmək və işə yararlı hala gətirmək kifayət qədər vaxt aparır.

Massaçusests Universitetində aparılan araşdırma süni intellektin əməkdaşları kütləşdirdiyini üzə çıxarıb: “düşünmə prosesinin autsorinqə verilməsi koqnitiv deqradasiya ilə nəticələnir” – deyə tədqiqatda göstərilir.

Almaniyada 2025-ci ilin sonunda müəssisələrin üçdə ikisi süni intellektin tətbiqindən imtina edib. Əsas səbəb müvafiq tətbiq sahəsinin yoxluğudur.

Vüqar