Sürətin qara statistikası: "Radarlar ləğv edilsə, qəzaların 50 faizi ölümlə nəticələnəcək"

Son günlər sosial şəbəkələrdə Avropanın bəzi ölkələrində sürət radarlarının yığışdırılması ilə bağlı yayılan xəbərlər Azərbaycanda da bu məsələnin ciddi müzakirəsinə səbəb olub.

Mövzu ilə bağlı açıqlama verən nəqliyyat eksperti Elməddin Muradlı, bu addımın Azərbaycanda tətbiqinin yolverilməz olduğunu qeyd edib.


O, bildirib ki, Azərbaycanda qeydə alınan nəqliyyat hadisələrinin 50 faizi, cərimələrin isə böyük bir qismi sürət həddi ilə bağlıdır:

“Bunu ləğv edən ölkələr belə sonradan buna qayıdırsa, biz bunu necə tətbiq edək? Qəzaların ağırlıq dərəcəsinə baxdıqda da, sürət həddi ön sıralarda dayanır. Adi qəzalar yüngül xəsarətlə nəticələndiyi halda, sürət səbəbindən baş verən qəzaların əksəriyyəti ölümlə nəticələnir”, – deyə o bildirib./Yenicag.az