Sürücü onu saxlayan polislərə qumbara atdı - FOTO

Ukraynanın Dnepropetrovsk vilayətində sürücü, yoxlamaq məqsədi ilə onu saxlayan Sektor Patrul Polisi əməkdaşlarına qumbara atıb. Avtosfer.az xəbər verir ki, hadisə nəticəsində əməkdaşlardan biri xəsarət alıb.

“Partlayış nəticəsində xəsarət alan patrul inspektoru xəstəxanaya yerləşdirilib. Onun həmkarı dərhal reaksiya verərək tabel silahı ilə sürücüyə atəş açıb” – deyə bu barədə Ukraynanın Milli Polis saytında bildirilir.

Yaralı sürücü həbs edilib. O əvvəllər məhkum olunmuş Volnoqorsk şəhər sakinidir. Onun üzərində yoxlama zamanı daha bir qumbara tapılıb.

Ukrayna qanunlarına görə, sürücünü 9 ildən 15 ilə kimi həbs gözləyir.

Namiq