Taksi sürücüləri şəhər meriyası qarşısında etiraz edir

Ermənistan paytaxtı Yerevanda taksi sürücüləri etiraz aksiyasına çıxıblar, onların əsas tələbi sürücülər üçün xırda qayda pozuntulara görə cərimələrin ləğv edilməsidir. Avtosfer.az xəbər verir ki, bu barədə "Report" "Sputnik Ermənistan"a istinadən xəbər verir. "Avtomobil sahiblərinin müdafiəsi liqası" QHT-nin sədri Tiqran Ovhannisyan şəhər meriyası qarşısında keçirilən aksiyada bildirib ki, taksi sürücülərinin qazancları onsuz da az olduğundan onları cərimələrlə boğmaq olmaz. "Buna görə pul itiririk, pul qazanmaq üçün başqa imkanımız da yoxdur. Daha doğrusu, var, sadəcə, onu da şəhər meriyası ələ keçirib", - o əlavə edib.