Təbriz-Bakı-Təbriz aviareysi istifadəyə verilib

Yanvar ayından başlayaraq İranın "İran AİR" şirkəti Təbriz-Bakı-Təbriz istiqamətində uçuşlar həyata keçirməyə başlayıb. Avtosfer.az Azərtac-a istinadən xəbər verir ki, reyslər həftənin 1-ci və 4-cü günləri həyata keçirilir. Təyyarə yerli vaxtla səhər saat 09:40 Təbrizdən Bakıya uçur və həmin gün 19:50-də Bakıdan Təbrizə qayıdır. Birtərəfli biletin qiyməti 115, ikitərəfli isə 215 manatdır. Reyslər ATR tipli təyyarələrlə yerinə yetirilir.