Təbrizdə sərnişin təyyarəsi təcili eniş etdi

İranın "Ata" Hava Yolları Şirkətinə məxsus sərnişin təyyarəsi texniki nasazlığa görə təcili eniş edib. Avtosfer.az-ın Trend-ə istinadən məlumatına görə, İranın Şərqi Azərbaycan vilayəti aeroportları idarəsinin baş direktoru Mustafa Səfayinin sözlərinə görə, təyyarə Təbrizdən Tehrana uçurmuş. Təyyarə mühərrikdə yaranan texniki nasazlığa görə Təbrizin Şəhid Mədəni aeroportuna geri dönüb.

Qeyd edək ki, uçuşdan əvvəl təyyarə yarım saat təmirə dayanıb, daha sonra havaya qalxıb. Ancaq bir neçə dəqiqə sonra təcili eniş etməli olub.