Təyyarə məcburi eniş edib

“Transavia” aviaşirkətinin Paris-Tunis reysini həyata keçirən təyyarə Nitsa hava limanında məcburi eniş etməli olub. Avtosfer.az-ın Trend-ə istinadən məlumatına görə, buna sərnişinlərdən birinin aqressiv davranışı səbəb olub.

Qeyd olunur ki, 30 yaşlı Tunis vətəndaşı uçuş zamanı pilot kabinəsinə daxil olmağa çalışıb və heyət üzvlərinə hücum edib. Təyyarə Nitsada eniş etdikdən sonra sərnişin polisə təhvil verilib. Hazırda hadisənin səbəbləri araşdırılır.