Tramp Hörmüz boğazında gəmiçiliyin pulsuz olacağını bildirib

ABŞ Prezidenti Donald Tramp İranın Hörmüz boğazından keçən gəmilərdən rüsum almayacağına zəmanət verib.

Avtosfer.az Teleqraf-a istinadən xəbər verir ki, bu barədə Tramp jurnalistlərə açıqlamasında bildirib.

“Bu, ödənişsiz bir tənzimləmədir. Bu barədə kiçik bir mübahisəmiz oldu. Düşünürəm ki, bu, açıq və pulsuz naviqasiya olacaq”, - deyə Ağ Ev rəhbəri qeyd edib.

O, ABŞ-nin Avropa müttəfiqlərindən Hörmüz boğazına gəmilər göndərmək təklifini məmnuniyyətlə qarşılayacağını etiraf edib: "Düşünmürəm ki, bizə çox kömək lazımdır. Amma orada bir neçə ölkədən bir və ya iki gəminin olmasının pis fikir deyil".