Türk pilot yadplanetli gəmini lentə aldı - VİDEO

Türk pilot Atilla Şəntürk, köməkçi pilot və ekipajın digər üzvləri 10 may tarixində İstanbuldan Kölnə uçanda qeyri-adi hadisə ilə rastlaşıblar. Avtosfer.az-ın Ölkə.az-a istinadən məlumatına görə, onlar qəflətən təyyarədən kənarda, səmada sferik obyekt müşahidə ediblər. Obyekt çox böyük sürətlə o tərəf bu tərəfə hərəkət edirmiş. Məlumdur ki, bu quş, hava şarı və ya digər təyyarə ola bilməzdi. Gördüyü mənzərədən çaşqına çevrilən Atilla mobil telefonunu çıxarıb və obyekti telefonun yaddaşına köçürüb. O, kadrı internetə yüklədikdən sonra bir sıra ufoloji saytlar bu video çarxla maraqlanmağa başlayıblar.

“Mən heç vaxt belə sürətlə uçan obyekt görməmişdim. Bu nə peyk, nə də ulduz idi. Sonra isə qəribə obyekt qəfil yoxa çıxdı. Bu UNO bizə çox yaxın idi və çox parlaq işıq saçırdı. Video çarxda onun işıq saçması elə də yaxşı görünməsə də, həqiqətən maraqlı mənzərə idi. İkinci pilot Efsun Sezer və ekipajın digər üzvləri də bunu gördülər”, - deyə Atilla bildirib.