Türkiyə şirkəti Orta Dəhlizin inkişafına investisiya yatırmağa hazırdır

Türkiyə şirkəti Transxəzər Beynəlxalq Nəqliyyat Marşrutu (TBNM, Orta Dəhliz) ilə bağlı infrastruktur layihələrinin həyata keçirilməsində maraqlıdır.

Avtosfer.az-ın “Report”a istinadən məlumatına görə, bu barədə ölkənin nəqliyyat naziri Marat Karabayevin Türkiyənin “Çalık Holding” şirkətinin İdarə Heyətinin sədri Ahmet Çalıkla görüşündə bildirilib.

Görüşdə tərəflər Qazaxıstanın nəqliyyat və logistika sahəsində investisiya əməkdaşlığının perspektivlərini və imkanlarını müzakirə ediblər.

"Türkiyə tərəfi Transxəzər Beynəlxalq Nəqliyyat Marşrutunun infrastrukturunun inkişafı məqsədilə bir sıra perspektivli layihələrin həyata keçirilməsində maraqlı olduğunu bildirib", - məlumatda qeyd olunub.

Danışıqların yekunları üzrə tərəflər tərəfdaşlıq münasibətlərinin dərinləşdirilməsinə maraq ifadə ediblər.