Türkiyədə kafenin damı çöküb, ölən və yaralananlar var - FOTO

Türkiyənin Bitlis bölgəsinin Hüsrevpaşa məhəlləsində fəaliyyət göstərən bir kafenin dam örtüyü üstünə yığılan qarın ağırlığına tab gətirməyərək çöküb. Hadisə nəticəsində 8 nəfər dağıntılar altında qalıb.

Avtosfer.Az AZƏRTAC-a istinadən bildirir ki, hadisə baş verən əraziyə xilasedicilər və təcili yardım briqadaları cəlb edilib. Dağıntılar altından 1 nəfərin cəsədi çıxarılıb, daha 7 nəfər isə müxtəlif bədən xəsarətləri ilə xəstəxanaya yerləşdirilib.

Hadisə ilə bağlı araşdırma aparılır.