"Uçan balina" hazır vəziyyətə gətirilib

“Uçan balina” sınaqlardan uğurla keçib. Avtosfer.az sputnik-ə istinadən xəbərinə görə, dünyanın ən böyük təyyarələrindən olan  “Airbus Beluga XL” ilk sınaq uçuşunu Fransanın Tuluza şəhərindən “Airbus”un qanadlarının yığıldığı Şimali Uelsin Havarden şəhərinə həyata keçirib. Yük təyyarəsi olan “Uçan balina”nın bu ilin sentyabr və oktyabrında ilk uçuşlara başlayacağı bildirilib. Qeyd edək ki, bu təyyarə “Airbus”da çalışan 20 min işçinin səsverməsi ilə hazırlanıb. İşçilər 6 model arasında “gülümsəyən balina”nı seçiblər. 50 ton yük qaldıran təyyarə 63 metr uzunluğundadır.