Ucuz qiymətə MiQ-29 satır

Macarıstan Müdafiə Nazirliyi ölkədə olan bütün MiQ-29 qırıcılarını satışa çıxarıb. Britaniyanın Jane`s nəşrinin məlumatına görə, satışa çıxarılan MiQ-29 qırıcılarının sayı 19-dur. Avtosfer.az Oxu.az-a istinadən xəbər verir ki, onların bəzilərinin əsaslı təmirə ehtiyacı var. Bildirilir ki, 19 qırıcını alacaq dövlət və ya şirkətə əlavə olaraq 20 mühərrik, habelə təyyarələrə aid 293 ədəd avadanlıq və silah veriləcək. 19 qırıcının ümumi qiyməti 10 milyon dollar təşkil edir. Halbuki yeni MiQ-29-un qiyməti təxminən 25 milyon dollardır.