Ulu Öndərin anım günü BBAK-da qeyd olundu - FOTO - VİDEO

Bakı Beynəlxalq Avtovağzal Kompleksində  (BBAK) Ümummilli Lider Heydər Əliyevin anım günü ilə bağlı tədbir keçirilib.

Avtosfer.az xəbər verir ki, BBAK-ın inzibati binasının foyesində Avtovağzalın Baş direktoru Qəhrəman Qələndərovun iştirakı ilə Heydər Əliyevin büstü önünə əklil qoyulub, Ulu Öndərin xatirəsi ehtiramla yad edilib. Tədbirdə çıxış edən Baş direktor dahi şəxsiyyətin hakimiyyətə gəldiyi dövrdən başlayaraq ölkədə gedən ictimai-siyasi proseslərdən danışıb, Heydər Əliyevin dövlətçilik ənənələrinin formalaşmasında və Azərbaycanın müstəqilliyinin qorunub saxlanmasında oynadığı tarixi və misilsiz rolu xüsusi vurğulayıb. Qeyd edib ki, məhz Ümummilli Liderin dövlətçilik irsi bu gün də ölkəmizin həyatında yol göstərən əsas ideoloji dayaqlardan biridir. Onun müdrik siyasəti, xalqa sonsuz bağlılığı, Azərbaycanı gələcəyə aparan strateji hədəfləri ölkəmizin hər bir uğurunun təməlində dayanır.