Uranı 2,8 mln. dollara satmaq istəyən şəxslər saxlanılıb

Gürcüstanda nüvə materialının qanunsuz əldə edilməsi və satışı ilə məşğul olan 2 şəxs saxlanılıb. Avtosfer.az “Report”a istinadən xəbər verir ki, bu barədə Gürcüstanın Dövlət Təhlükəsizliyi Xidməti (DTX) məlumat yayıb. Saxlanılan şəxslər cinayətkar qruplaşmanın üzvləri olan Qoça Q. və Roman K. adlı Gürcüstan vətəndaşlarıdır. İstintaqla müəyyən olunub ki, həmin şəxslər Kobuletidə “uranium” nüvə maddəsini 2,8 mln. dollara satmağı planlaşdırıblar. Onların üzərində axtarış apaarılan zaman tərkibində “uranium -238” radioaktiv izotop olan ümumi çəkisi 40,19 qram olan və nüvə madddəsi kateqoriyasına düşən maddə aşkarlanıb.

Müsadirə olunmuş maddə həyat və sağlamlıq üçün təhlükəli sayılır.

Faktla bağlı DTX-nın Əks-kəşfiyyat Baş İstintaq İdarəsində araşdırma aparılır.

Saxlanılan şəxsləri 5 ildən 10 ilədək həbs cəzası gözləyir.