Üzünü it parçalayan uşaq palataya yerləşdirilib, səhhəti yaxşıdır

Üzünü it parçalayandan sonra 1 saylı Kliniki Tibbi Mərkəzə yerləşdirilən uşağın səhhəti yaxşıdır. Avtosfer.az xəbər verir ki, bu barədə “Report”un sorğusuna cavab olaraq Səhiyyə Nazirliyindən məlumat verilib. Qeyd olunub ki, uşağa vaksinlər vurulub və o, hazırda palatadır: “Onun müalicəsi davam edir”.

Qeyd edək ki, hadisə Binəqədi rayonunda baş verib. Belə ki, Sulutəpə qəsəbəsində 2015-ci il təvəllüdlü Məmişov Hüseyn Qismət oğlu itin hücumuna məruz qalıb. Heyvan azyaşlının yanağını parçalayıb. Həkimlər onun yanağının parçalanmış hissəsini tikərək bərpa edib.