"Xaliq Faiqoğlu" şirkətinin avtobusları belə təmizlənir - FOTO

Artıq bir neçə ildir ki, "Xaliq Faiqoğlu" MMC-nin istismarında olan marşrut xətləri üzrə hərəkət edən avtobuslarda mütəmadi olaraq ixtisaslaşmış şirkətlər tərəfindən kimyəvi təmizlənmə və dezinfeksiya işləri həyata keçirilir. Müasir standartlara cavab verən və insan sağlamlığı üçün heç bir təhlükəsi olmayan maddələrdən istifadə edilməklə aparılan proses zamanı avtobusun salonu, sürücü kabinası, oturacaqlar, tutacaqlar, tavan və döşəmələri, eləcə də digər hissələri tamamilə təmizlənir.
Keçən ilin sonunda podratçı şirkətlə bağlanmış müqaviləyə əsasən bu ilin əvvəlindən avtobuslarımızın yenidən kimyəvi təmizlənməsinə başlanmışdır. Artıq “İsuzu” və “BMC” markalı avtobusların hamısı kimyəvi təmizləmədən keçirilib.
Hazırda “Daewoo” markalı avtobusların kimyəvi təmizləmədən keçirilmə prosesi həyata keçirilir.
Qeyd edək ki, “Xaliq Faiqoğlu” MMC istismarında olan avtobusları müntəzəm olaraq kimyəvi təmizləmədən keçirən yeganə özəl daşıyıcı şirkətdir.

Fərid