Xankəndidə şəhər günü atəşfəşanlıqla qeyd olunub - VİDEO

Xankəndi, Ağdərə və Xocalı şəhər günləri münasibəti ilə sentyabrın 20-də xankəndi şəhərində silsilə tədbirlər keçirilib.

Avtosfer.az xəbər verir ki, Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, şəhər sakinləri və qonaqlarda xoş ovqat yaradan möhtəşəm atəşfəşanlıq olub. 

Rəngarəng fişənglərin yaratdığı mənzərə şəhərin gecə səmasını işıqlandırıb. Bayram tədbirlərinin möhtəşəm finalı kimi yadda qalan bu işıqlı görüntülər, şəhərin yeni simasının, burada canlanan ictimai-mədəni həyatını növbəti nümayişinə çevrilib.