Xəzər dənizi Qara dənizlə birləşəcək - Yeni nəqliyyat dəhlizi
Gündəm
25 Fevral 2019 20:20
Oxunub 1369
Səfər çərçivəsində nazirlər arasında ikitərəfli formatda da görüşlər keçiriləcək
Azərbaycan xarici işlər naziri Elmar Məmmədyarov Buxarestdə təşkil olunacaq yeni nəqliyyat dəhlizi ilə bağlı keçirilən tədbirdə iştirak edəcək.
Avtosfer.az xəbər verir ki, bu barədə XİN sözçüsü Leyla Abdullayeva məlumat verib.
Onun sözlərinə görə, Rumıniyanın paytaxtı Buxarestdə Xəzər dənizi və Qara dəniz regionunu birləşdirəcək yeni nəqliyyat dəhlizinə dair tədbir keçiriləcək və nazir Elmar Məmmədyarov o toplantıda iştirak edəcək.
XİN sözçüsü bildirib ki, tədbir martın 4-də keçiriləcək. Tədbirə Türkmənistan, Gürcüstan və Rumıniya xarici işlər nazirləri də qatılacaq. Bu, yeni nəqliyyat dəhlizi ilə bağlı ilk görüş olacaq.
Səfər çərçivəsində nazirlər arasında ikitərəfli formatda da görüşlər keçiriləcək.
ŞƏRH YAZ
DİGƏR XƏBƏRLƏR
