Xocavənd rayon Polis şöbəsinin rəisi işdən çıxarılıb

Xocavənd rayon Polis şöbəsinin rəisi vəzifəsindən azad edilib. Avtosfer.az-ın "Report"a istinadən verdiyi məlumata görə, bununla bağlı daxili işlər naziri, general-polkovnik Ramil Usubov müvafiq əmr imzalayıb. Əmrə əsasən, Xocavənd rayon Polis şöbəsinin rəisi, polis polkovnik-leytenantı Yadigar Hüsən oğlu Hüseynov tutduğu vəzifədən azad edilib. Onun yerinə hələlik təyinat yoxdur. Qeyd edək ki, Y.Hüseynov bu vəzifəyə 2015-ci ildə təyin olunmuşdu.