Yalan rəy verənlər cərimələnəcək

Azərbaycanda ətraf mühitə təsirin qiymətləndirilməsi üzrə yalan rəy verənlər cərimələnəcəklər. Avtosfer.az-ın Trend-ə istinadən məlumatına görə, bununla bağlı İnzibati Xətalar Məcəlləsinə dəyişiklik edilir. Bu dəyişikliyə uyğun olaraq, ətraf mühitə təsirin qiymətləndirilməsi və strateji ekoloji qiymətləndirmə sənədlərinə qiymətləndirici tərəfindən bilə-bilə yalan rəy verilməsinə görə 250 manatdan 450 manatadək cərimə tətbiq ediləcək.

Qeyd edək ki, qiymətləndiricinin bilə-bilə yalan rəy verməsi nəticəsində qeyri-obyektiv ekspertiza rəyi verilə bilər. Buna görə hər hansı məsuliyyət nəzərdə tutulmadığından İXM-yə belə bir maddənin əlavə edilməsi təklif olunur.