Yanacaqdaşıyan maşının üstünə çıxaraq intihar etmək istədi

İmişli rayonunda 1 nəfər yanacaqdaşıyan avtomobilin üzərinə çıxaraq intihar etmək istəyini nümayiş etdirib. Avtosfer.az FHN-ə istinadən xəbər verir ki, Dövlət Yanğından Mühafizə Xidmətinin müvafiq xilasetmə qüvvələri dərhal hadisə yerinə cəlb olunub. Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb. Əməliyyat başa çatıb.