Yanğın zamanı 56 nəfər həlak olub

Banqladeşin paytaxtı Dakkada dördmərtəbəli yaşayış binasında baş verən güclü yanğın zamanı ölənlərin sayı 56 nəfərə çatıb. Avtosfer.az "Report"a istinadən xəbər verir ki, bu barədə Banqladeşin Yanğın əleyhinə Xidmətinin əməkdaşı Zülfüqar Rəhman bildirib. "İndiki vaxta qədər 56 cəsəd çıxarılıb. Say arta bilər, çünki axtarışlar hələ davam edir", - deyə o bildirib. Daha əvvəl hadisə zamanı 44 nəfərin həlak olduğu bildirilirdi.

***04:19

Banqladeşin paytaxtı Dakkada dördmərtəbəli yaşayış binasında yanğın zamanı azı 41 nəfər həlak olub. Bu barədə "Agence France-Presse" (AFP) məlumat yayıb. Banqladeşin Yanğın əleyhinə Xidmətinin başçısı Əli Əhməd bildirib ki, ölənlərin sayı arta bilər. "İndiki vaxta qədər 41 cəsəd aşkarladıq. Həlak olanların sayı arta bilər", - deyə o bildirib. BDNews 24 portalının məlumatına görə, yanğın çərşənbə günü yerli vaxtla saat 22:30 radələrində baş verib. Bundan sonra alov daha dörd tikintiyə yayılıb. AFP qeyd edib ki, yanğının baş verdiyi yaşayış binası kimyəvi preparat anbarı kimi istifadə olunub. Daha əvvəl Banqladeşin Çittaqonq şəhərinin daxmalar yerləşən ərazisində baş vermiş yanğın nəticəsində azı 9 nəfər həyatını itirib.