Yaponiya qırıcısı mülki hava limanına məcburi eniş edib

Yaponiya Hərbi Hava Qüvvələrinə məxsus çoxməqsədli "F-4" qırıcı təyyarəsi Komatsu mülki hava limanına məcburi eniş edib. Avtosfer.az-ın Trend-ə istinadən verdiyi məlumata görə, təyyarənin hər iki pilotu xəsarət almayıb. Bildirilir ki, qırıcı təyyarə Yapon dənizi üzrəində təlimlərdə iştirak edirmiş, lakin uçuş zamanı təyyarənin mühərrikində problemlər yaranıb. Məcburi eniş nəticəsində hava limanının uçuş-eniş zolağı müvəqqəti olaraq bağlanıb və bu mülki təyyarələrin uçuş qrafikində dəyişikliklərə səbəb olub.