Yaponiyanın bombardmançı təyyarəsi radarlardan itib

Yaponiya özünümüdafiə qüvvələrinin "F-2" çoxməqsədli döyüş təyyarəsi çərşənbə günü Yapon dənizi üzərində Yamaquti qərb prefekturası ərazisində radarlardan itib. Avtosfer.az “Report”a istinadən xəbər verir ki, bu barədə NHK telekanalı məlumat yayıb. Bildirilir ki, qırıcı bombardmançı təlim uçuşu həyata keçirmək üçün Suiki bazasından (Fukuoka prefekturası) havaya qalxıb. Onun göyərtəsində iki nəfər olub. Pilotların hər ikisi xilasedicilər tərəfindən tapılıb. Onların huşu özlərindədir.