Yasamalda sökülən ərazilərdə bəzi evlərin memarlıq üslubu necə fərqlənir? - FOTO

Bakının Yasamal rayonunda son günlər aparılan söküntü işləri ilə əlaqədar bir sıra önəmli faktlar ortaya çııb.

Avtosfer.az xəbər verir ki, rayonun keçmiş “Sovetski” adlanan ərazisində söküntü aparılarkən diqqət çəkən bəzi binalar və onların üzərindəki arnamentlər müzakirələrə səbəb olub.

Xüsusən də “Bayırşəhər” adlanan ərazidəki məhəllələrdə sökülən evlərin bir-birinə bənzərliyi ilə yanaşı fərdiliyi də özünü göstərib.

Bayırşəhərin yuxarı (amfiteatr) hissəsindəki məhəllələr təkcə dar küçələri, dalanları və həyət evləri ilə deyil, həm də sosial kontrastları ilə seçilirdi.

Tarixən burada kasıb, ortasəviyyəli və varlı ailələr eyni küçələrdə, eyni məhəllələrdə yanaşı yaşayırdılar. Sosial təbəqələr arasında sərt məkan bölgüsü yox idi.

Fotodakı mənzərə həmin kontrastın maraqlı nümunəsidir: ortada memarlıq baxımından iddialı, "aristokratik" görünüşlü ikimərtəbəli mülkün hər iki tərəfində yerləşən sadə evlər diqqətçəkən təzad yaradır.

Belə nümunələrə Bayırşəhərin yuxarı məhəllələrində tez-tez rast gəlmək mümkündür. Məhz bu müxtəliflik yuxarı məhəllələrin şəhər mühitinə özünəməxsus xarakter verirdi. Vətəndaşlar uzun müddətdir aidiyyəti qurumlara təklif edirdi ki, sökülən adi, görünüşü diqqət çəkməyən evlər bir yana, xüsusi tərzdə tikilən evlər sökülməkdənsə, əvvəlki görünüşünün bərpasına çalışmaq daha uğurlu seçim olar.

Səfər