Yaşlı adam silahla bankı soymaq istədi - FOTO

İstanbulun Esenler rayonunda silahlı şəxs bankı qarət etmək istəyib. Avtosfer.az Türkiyə mətbuatına istinadən xəbər verir ki, banka əlində silahla girən 59 yaşlı Mehmet K., soyğunçuluq etmək istəyib. O bankın təhlükəsizlik əməkdaşı tərəfindən təsirsiz hala gətirilib.

Hadisə yerinə polis əməkdaşları gəlib. Soyğunçuluğa cəhd edən Mehmet K., həbs edilib.

Polis bankın daxilində və ətrafında araşdırmalar aparıb.

Araşdırma zamanı ticarətçi Muzaffer Bayrak, “Bankı qarət edirlər. Bizdə küçəyə çıxıb baxdıq. Polislər gəldi. Bir yaşlı adam əlində silahla içəridə soyğunçuluq edib dedilər. Bir müddət sonra götürüb apardılar. Amma nə isə ala bilməyib hər halda. Onsuzda eşitdiyimiz qədəri ilə təhlükəsizlik əməkdaşı ayağı ilə təsirsiz hala salıb. Təxminən 60 yaşlarında biri idi. Silah var dedilər. Görmədim amma var idi dedilər” deyib.

Namiq