Yaxın Şərqdə müharibə atlara da təsir etdi

Fevralın 28-dən Yaxın Şərqlə, xüsusən də körfəz ölkələri ilə hava əlaqəsi minimuma enib. Səbəb hər kəsə məlum olan ABŞ-İran-İsrail qarşıdurmasıdır. Münaqişə regionda hava nəqliyyatını iflic edib.

Avtosfer.az xəbər verir ki, bu müharibədən heyvanlar da əziyyət çəkir. Qətərin Doha şəhərində 147 yarış atını Belçikaya qaytarmaq üçün təşkilatçılar çox əziyyət çəkməli olublar.

Beynəlxalq yarışda iştirak edən bahalı atları Dohadan birbaşa Avropaya aparmaq mümkün olmayıb. Bunun üçün onları əvvəlcə xüsusi avtomobillərlə 350 kilometr qət edərək Səudiyyənin paytaxtı Ər Riyada gətiriblər. Burada dincələn atlar sonradan xüsusi hazırlanmış “Boeing 777” təyyarəsi ilə Lyej şəhərinə çatdırılıb. Atlar hava gəmisində xüsusi, ventilyasiyalı qəfəslərdə yerləşdirilib. Təyyarə ilə vətənə qayıdan heyvanlar havada 6 saat keçiriblər. Yol boyu onları baxıcı və veterinarlar müşayiət ediblər.

Vüqar