Yol problemini 200 ildir həll edə bilməyən qonşumuz - FOTO

Sibirin yaşayış məntəqələrinin 60 faizinin daimi işlək yolu yoxdur. 

Avtosfer.az xəbər verir ki, faktı rəsmi mənbələrə əsasən “vedomosti” saytı yayıb. Bildirilir ki, 4 milyondan çox sakin üçün yeganə nəqliyyat vasitəsi aviasiyadır. 

Lakin aviasiya sahəsində də vəziyyət ürəkaçan deyil. Bəzi təyyarələrin yaşı əlini ötüb. Onların əvəzlənməsi üçün alternativ olmadığı üçün şirkətlər köhnə təyyarələri təmir edərək parkda saxlamağa məcburdur.

Yeni, yerli şəraitə uyğun təyyarələr layihələndirmək və istehsal etmək üçünsə nə elmi, nə də texniki potensial mövcuddur. Çünki, Antonov, İlyuşin, Tupolev kimi konstruktorların davamı gəlməyib. 

Bu yerdə böyük Qoqolun təxminən 2 əsr əvvəl dediyi sözlər yada düşür: “Rusiyanın 2 bədbəxtliyi var: səfehlər və yollar”.

Vüqar Yaşaroğlu