Yolda “şokolad çayı” - FOTO

Amerika Birləşmiş Ştatlarının Flaqstaff şəhərində sisternin yolda aşması nəticəsində 13 min litrdən çox maye şokolad yola axıb. Avtosfer.az Oxu.az-a istinadən xəbər verir ki, bu haqda Arizona ştatının təhlükəsizlik idarəsi məlumat yayıb. Yol nəqliyyat hadisəsi nəticəsində meydana gələn “şokolad çayı” nəqliyyatın hərəkətini tamamilə iflic edib. Təhlükəsizlik idarəsinin rəsmisi yol-nəqliyyat hadisəsinin fəsadlarının aradan qaldırılmaqda olduğunu bildirərək, zarafatyana “təmizlik işlərinin dadlı olacağını” dilə gətirib.