Zəngilanda Anım Günü ilə bağlı tədbir keçirilib - FOTO - VİDEO

Zəngilan rayonunda 27 Sentyabr – Anım Günü ilə bağlı tədbir keçirilib.

Avtosfer.az xəbər verir ki, tədbirdə Azərbaycan Respublikası Prezidentinin Cəbrayıl, Qubadlı və Zəngilan rayonları üzrə xüsusi nümayəndəsi Vahid Hacıyev, xüsusi nümayəndəliyin əməkdaşları, Zəngilan Rayon Polis Şöbəsinin rəhbərliyi və əməkdaşları, rayonda fəaliyyət göstərən dövlət qurumlarının və şirkətlərin nümayəndələri, qazilər, şəhid ailələri, həmçinin Ağalı və Məmmədbəyli kəndlərinin sakinləri iştirak ediblər.

Mərasimdə Vətən müharibəsində şəhid olan qəhrəmanların xatirəsi bir dəqiqəlik sükutla yad edilib.

Daha sonra tədbir iştirakçıları Zəngilan şəhərində Şəhidlər xiyabanını ziyarət edib, şəhidlərin ruhuna dualar oxunub, onların məzarları üstünə gül çələngləri qoyulub.  

​Qeyd edək ki, analoji tədbir Masazır qəsəbəsində Zəngilan Rayon Polis Şöbəsinin əməkdaşları tərəfindən dislokasiya üzrə təyin olunmuş ərazidə də keçirilib.