ABŞ aviadaşıyıcısında qəza: Hərbçilər yaralanıb

ABŞ Hərbi Dəniz Qüvvələrinin iki pilotu “Dwight D. Eisenhower” atom aviadaşıyıcısına eniş zamanı təyyarədən katapult edilib.

Avtosfer.az xəbər verir ki, bu barədə ABŞ Hərbi Dəniz Qüvvələri məlumat yayıb.

Hadisə sentyabrın 28-də Virciniya sahilləri yaxınlığında baş verib. Təyyarənin aviadaşıyıcının göyərtəsinə enişi zamanı iki pilot təhlükəsizlik sistemi vasitəsilə katapult olunub. Onlar axtarış-xilasetmə qrupları tərəfindən sudan çıxarılaraq gəmiyə qaytarılıblar.

Hər iki pilot hazırda tibbi müayinədən keçirilir. Hadisə zamanı aviadaşıyıcının göyərtəsində olan daha 4 hərbçi də xəsarət alıb.

ABŞ Hərbi Dəniz Qüvvələri hadisəni qəza kimi qiymətləndirib. Təyyarənin modeli və qəzanın başvermə səbəbləri ilə bağlı hələlik açıqlama verilməyib.