Böyük Britaniyanın bütün nüvə sualtı qayıqları sıradan çıxıb

Böyük Britaniyanın bütün nüvə sualtı qayıqları sıradan çıxıb və texniki xidmətə ehtiyac duyur.

Avtosfer.az xəbər verir ki, bu barədə "The Telegraph" nəşri mənbələrə istinadən məlumat yayıb.

"Mövcud döyüş nüvə sualtı qayıqlarının bütün donanması hazırda Hərbi Dəniz Qüvvələrinin (HDQ) bazalarında limanda saxlanılır. "Astute" sinfinə aid beş Britaniya sualtı qayığı texniki xidmət və təmir gözləyir. Xidmətə yeni qəbul edilmiş altıncı sualtı qayıq isə hələ tapşırıqları yerinə yetirməyə hazır deyil", - nəşr mənbələrin sözlərindən sitat gətirib.

Məqalədə qeyd olunur ki, "Dreadnought" sinfinə aid yeni sualtı qayıqların xidmətə qəbuluna hələ uzun illər qalır.

Bundan əvvəl Böyük Britaniya Hərbi Dəniz Qüvvələrinin Baş Qərargah rəisi Qvin Cenkinz bildirib ki, ölkənin Hərbi Dəniz Qüvvələri fəaliyyət vaxtının təxminən üçdə birini "Rusiya təhlükəsi" ilə mübarizəyə sərf edir.

Onun sözlərinə görə, bu istiqamət krallıq donanmasının əsas prioritetlərindən biri olaraq qalır.