Maşında qoyulan “powerbank” partladı – Görün nələr baş verdi - FOTO

Maşında qoyulan “powerbank” yanğına səbəb olub. Avtosfer.az xəbər verir ki, hadisə Rusiyanın Çita şəhərində baş verib. Məlumata görə, yerli sakin enerji doldurma cihazını (powerbank) sərnişin oturacağının üzərində, birbaşa qızmar günəş şüalarının altında unudub. Günəşin təsirindən həddindən artıq qızan akkumulyator qəfildən partlayıb. Partlayış nəticəsində alovlanan yanğın qısa müddətdə avtomobilin salonunu tamamilə külə çevirib.

Hadisə yerinə cəlb olunan yağınsöndürənlər avtomobili yanğından mühafizə etsələr də, lakin nəqliyyat vasitəsinin salonu yararsız vəziyyətə düşüb.

Mütəxəssislər xüsusilə yay aylarında və isti hava şəraitində elektron cihazları (telefon, planşet, "powerbank" və s.) maşın salonunda və günəş altında buraxmamağı tövsiyə edir.

Qeyd olunur ki, qapalı salonda temperatur kəskin yüksəldiyi üçün bu növ cihazların partlama riski dəfələrlə artır.

Namiq Musayev