Günlər gələcəkdə min saat olacaq - Alimlər açıqladı

Ayın Yerdən illik sürüşməsi nəticəsində 2,5 milyard ildən sonra Yer və Ay eyni sürətlə fırlanmasına səbəb olacaq.

Avtosfer.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun elmi işçisi Maksim Pupkov məlumat yayıb.

Pupkov deyib ki, proses o qədər yavaş gedəcək ki, bir sutka 1000 saat və ya 1,5 aya qədər davam edə bilər. Hazırda Ay Yerdən 384 min kilometr məsafədədir və hər il təxminən 4 santimetr uzaqlaşır.

Alimin sözlərinə görə, gələcəkdə gelgit dalğaları sinxronlaşacaq və Ay Yerin bir tərəfində qalacaq. Yer və Ay eyni sürətlə fırlanacaq. Bu vəziyyət Ayın Yerdən 480-520 min kilometr məsafədə olduğu zaman baş verəcək və təxminən 2,5-3,75 milyard il çəkəcək.

Nəticədə günlərin uzunluğu tədricən artırılacaq. Əgər orbital sinxronizasiya 530 min kilometr məsafədə baş verərsə, bir Yer günü bugünkü günün 45-i, yəni 1080 saat olacaq.

Pupkov qeyd edib ki, proqnoz 2-3 milyard il ərzində planet və peykin orbitlərində böyük dəyişiklik olmayacağı şərti ilə verilə bilər.