Rusiya polisindən təsirli təbliğat – SƏN ÖLƏCƏKSƏN - FOTO

Rusiyanın Voloqda şəhərində yol polisi təhlükəsizlik kəmərindən istifadə ilə bağlı təsirli reklam banerləri hazırlayıb.

Avtosfer.az xəbər verir ki, banerlərdə sürücülər kəmərdən istifadəyə bir qədər sərt üslubda dəvət edilir. Məsələn, bir reklamda deyilir ki “sən tez öləcəksən, amma anan sənin yerinə 5 il maşının kreditini ödəyəcək”.

Başqa bir reklamda deyilir:  “Kəmər sıxır? Narahat olma, tabutda sıxılmayacaqsan. KƏMƏRİ TAX”.  

Bu reklamın üzərində dayanmaq yerinə düşər. Azərbaycanda da kəmər taxmayanların əsas “arqument”lərindən biri də sıxılmaqdır.  Halbuki, bu iddianın heç bir əası yoxdur. Müasir avtomobillərdə təhlükəsizlik kəmərləri avtomatik tarımlanır və hərəkətə mane olmur.

Üçüncü reklam isə istənilən qəzada özünü saxlaya bildiyini iddia edənlər hədəfə alınır : “Sənin başın alın şüşəsindən sərt deyil. KƏMƏRİ TAX”. 

Azərbaycan rayonlarında baş verən qəzalarda dəfələrlə sürücü və sərnişinlərin ya alın şüşəsinə dəyərək ciddi kəllə-beyin travması aldığının, ya da maşından on metrlərlə kənara düşdüyünün şahidi olmuşuq.

Vüqar Yaşaroğlu