Sərxoş cərrahlar və “alkoqolla mübarizə” kampaniyası

Rusiyanın Türkmənistandakı ticarət elçisi Andrey Xripunovun açıqlaması Aşqabadda narahatlıq yaradıb.

Avtosfer.az xəbər verir ki, diplomat Kazandakı forumda çıxışı zamanı bildirib: “Qapalı müsəlman ölkəsindəki marketlərdə gördüyüm qədər araq heç Moskvadakı mağazalarda yoxdur”. 

Bu söz türkmən elitasında narahatlıq yuaradıb. Onlar ciddi-cəhdlə ölkələrinin qapalı olmadığını sübut etməyə çalışıblar. İndi isə “əhalinin sağlamlığını qorumaq məqsədi ilə” spitrli içki satışına məhdudiyyət qoyulub. Vilayətlərdə araq mağazaları bağlanıb, aksiz adı ilə yeni rüsumlar tətbiq edilib. Buna görə də spirtli içkilər 30 faizədək bahalaşıb. Ən geniş yayılmış Bəkrə arağı 14 dollardan 18 dollara, Maysa şərabı isə 4 dollardan 7 dollara qalxıb.

Qərb mediasının xəbərinə görə, Türkmənistanda müstəqillikdən bəri azı 5 belə kampaniya keçirilib. Bütün kampaniyalar nəticəsiz olaqla yanaşı, saxta spirt istehlakını artırıb. Ölkədə alkoqolizmə meyl kifayət qədər çoxdur. Alkoqolizmdən ən çox əziyyət çəkən peşə sahibləri polislər və həkimlərdir. Bəzi cərrahlar araq qəbul etmədən əməliyyata girə bilmir.

Vüqar