Abşeronda oğurluq edən 32 yaşlı şəxs saxlanıldı

Abşeron rayonu ərazisində yerləşən üç evdən 5500 manat dəyərində naqil, təmir-tikinti alətləri, inşaat materialları, həmçinin bir nəfərə məxsus yük avtomobilindən 1000 manat və 260 manat dəyərində ehtiyat hissələri oğurlanıb.

Avtosfer.az xəbər verir ki, polis əməkdaşlarının həyata keçirdikləri tədbirlərlə əməlləri törətməkdə şübhəli bilinən 32 yaşlı R.Quliyev müəyyən olunaraq saxlanılıb.

Rayon ərazisində qeydə alınan digər hadisələr zamanı 3 evdən məişət əşyaları oğurlamaqda şübhəli bilinən, əvvəllər məhkum olunmuş 52 yaşlı Ş.Alxasov da saxlanılıb.

Araşdırmalar aparılır.