Abşeronda usta işlədikləri evdən 5 min manatlıq qızıl oğurlayan şəxslər saxlanılıblar

Abşeron rayonunda yerləşən mənzillərin birindən ümumi dəyəri beş min manat olan qızıl-zinət əşyaları oğurlanıb.

Avtosfer.az xəbər verir ki, bu barədə Daxili İşlər Nazirliyi məlumat yayıb.

Bildirilib ki, polis əməkdaşlarının keçirdikləri tədbirlərlə əməli törətməkdə şübhəli bilinən X.Cavadov və N.Mustafayev müəyyən edilərək saxlanılıblar.

Araşdırmalar zamanı onların qızıl-zinət əşyalarını usta kimi işlədikləri mənzildən oğurladıqları müəyyən edilib.

Araşdırmalar davam etdirilir.