ADY-dən çıxdı, “Port Baku”ya getdi

“Azərbaycan Dəmir Yolları” QSC-də (ADY) kadr dəyişikliyi olub.

Avtosfer.az İqtisadiyyat.az-a istinadla xəbər verir ki, bununla bağlı ADY sədri Rövşən Rüstəmov müvafiq əmrlər imzalayıb.

Belə ki, ADY-nin İnsan Resursları Departamentinin İşə qəbul şöbəsinin müdiri Samirə Məmmədova vəzifəsindən azad olunub. O, ADY-nin Bakı Beynəlxalq Dəniz Limanının İnsan resursları şöbəsinin müdiri vəzifəsinə təyin edilib.

Qeyd edək ki, S.Məmmədova 2024-cü ildən ADY-də çalışır.