Ağdərənin Sırxavənd kəndində skelet qalıqları aşkarlandı - YENİLƏNİB

Ağdamda insan skeletinə bənzər sümük fraqmentlərinin aşkar edilməsi faktı ilə bağlı araşdırma aparılır.

Avtosfer.az xəbər verir ki, bu barədə Baş Prokurorluq məlumat yayıb.

Qeyd olunub ki, mayın 25-də Ağdam rayonu, Sırxavənd kəndi ərazisində insana məxsus olması ehtimal edilən sümük fraqmentlərinin aşkar edilməsi barədə rayon prokurorluğuna məlumat daxil olub.

Dərhal prokurorluq əməkdaşları tərəfindən kriminalist və ekspertin iştirakı ilə hadisə yerinə baxış keçirilmiş, baxış zamanı aşkar olunmuş sümük qalıqları ekspertiza və laborator müayinələrin aparılması məqsədilə müvafiq qaydada götürülüb, eləcə də digər zəruri prosessual hərəkətlər yerinə yetirilib.

Faktla bağlı Ağdam Rayon Prokurorluğunda araşdırma aparılır.

***09:53

Ağdərə rayonunda skelet qalıqları aşkarlanıb.

Avtosfer.az xəbər verir ki, qalıqlar rayonun Sırxavənd kəndi ərazisində tapılıb. Hüquq-mühafizə orqanları əməkdaşları əraziyə cəlb olunub və skelet qalıqları götürülüb.

Faktla bağlı araşdırma aparılır.