“Airbus” bu ilin doqquz ayında müştərilərinə 507 təyyarə təhvil verib

Avropanın “Airbus” aerokosmik korporasiyası sentyabrda 41 müştəriyə 73 təyyarə təhvil verib. Avtosfer.az xəbər verir ki, kompaniyanın yaydığı məlumata görə, 2025-ci ilin ilk üç rübündə 79 müştəriyə 507 təyyarə çatdırıb. Bu, ötən ilin eyni dövründəki 497 təyyarə ilə müqayisədə 2 faiz artım deməkdir. Sentyabrda şirkət 10 təyyarə üçün sifariş alıb. Bu ilin ilk doqquz ayı ərzində isə sifarişlərin ümumi sayı 514 təyyarə olub. “Airbus” ilin sonunadək müştərilərə 820 təyyarə təhvil verməyi planlaşdırır ki, bu da ötənilki göstəricidən 7 faiz çoxdur. 2025-ci ilin əvvəlindən “Airbus” korporasiyasının bazar kapitallaşması təxminən 33 faiz (162,5 milyard avroya qədər) artıb.