ANAMA Hadrutda mobil baza yaradacaq

Azərbaycan Respublikasının Minatəmizləmə Agentliyinin (ANAMA) Xocavənd rayonunun Hadrut qəsəbəsində mobil bazası yaradılacaq.

Avtosfer.az-ın məlumatına görə, eyni zamanda mövcud bazaların genişləndirilməsi işləri aparılacaq.

Belə ki, ANAMA artıq bununla bağlı müvafiq işləri yekunlaşdırıb.

Agentlik sözügedən işlərin icrasını "Şəmkir Tikinti-18" Açıq Səhmdar Cəmiyyətinə (ASC) həvalə edib və müqavilə bağlayıb. Müqaviləyə əsasən, ASC-yə 1,9 milyon manat ödənilib.

Qeyd edək ki, işlərin həvalə olunduğu “Şəmkir Tikinti-18" 2011-ci ildə dövlət qeydiyyatına alınıb. Nizamnamə kapitalı 64 458 manat olan ASC-nin qanuni təmsilçisi Abdullayev Vaqif Çingiz oğludur.