"Aqrarkredit"in avtomobil və daşınmaz əmlakları dekabrın 15-də satışa çıxarılacaq

"Aqrarkredit" QSC BOKT-nin balansında olan bir nəqliyyat vasitəsi və iki daşınmaz əmlak dekabrın 15-də hərraca çıxarılacaq.

Avtosfer.az Əmlak Məsələləri Dövlət Xidmətinə istinadən xəbər verir ki, hər üç əmlak ikinci dəfə hərraca çıxarıldığı üçün 10 faiz aşağı qiymətə təklif olunur.

2012-ci il istehsalı olan "Audi A6" avtomobilinin start qiyməti 18 min 450 manat, Nərimanov rayonu, Əliyar Əliyev küçəsi, giriş 201B ünvanında yerləşən 367.6 kvadratmetr qeyri-yaşayış sahəsinin start qiyməti 760 min 932 manat və Şəki rayonunun, Daşüz kəndində yerləşən 500 hektar torpaq sahəsinin start qiyməti 622 min 800 manat təşkil edir. Torpaq sahəsinin icarə hüququ 6 fevral 2053-cü ilədək qüvvədə olacaq və illik icarə haqqı 5 min manatdır.