Avtobusda musiqi: Sürücünün zövqü, yoxsa sərnişin istəyi? - VİDEO

Sürücü sükan arxasında öz zövqünə uyğun musiqi dinləyə bilərmi? Yoxsa avtobusda dinlənən musiqinin də qaydaları var? 

Avtosfer.az xəbər verir ki, sərnişinlərin istəyindən asılı olmayaraq yüksək səslə musiqi səsləndirilməsi sosial şəbəkələrdə ciddi müzakirələrə səbəb olub. 

Azərbaycan Yerüstü Nəqliyyat Agentliyindən avtobuslarda bu məsələ ilə bağlı konkret tələblər olduğu bildirilib. 

Nazirlər Kabinetinin avtomobil nəqliyyatı ilə sərnişin və baqaj daşınması qaydalarına əsasən şəhərdaxili müntəzəm marşurutlarda sürücünün xüsusi bağlı kabinəsi olmadıqda audio cihazlardan yalnız daşıma prosesi ilə əlaqədar istifadə edilməlidir.