Avtomobil zibil qabına "atıldı" - VİDEO

"Fiat Tofaş" markalı avtomobilin zibil konteynerinin yanında tərk edildiyini görən şəxslər bunu polis qruplarına xəbər verdilər.

Avtosfer.az türk mediyasına istinadən xəbər verir ki, hadisə yerinə gələn polis əməkdaşları 07-FPB-87 dövlət nömrə nişanlı avtomobili zibil konteynerinin yanında tərk edilmiş vəziyyətdə aşkar edərək, onun mühərrik hissələrinin çıxarıldığını müəyyən ediblər.

Polislər maşının nömrəsini araşdırması nəticəsində avtomobilin axtarışda olduğunu müəyyən edib. Polis evakuator çağırıb və nəqliyyat vasitəsini dayanacaq işçilərinə təhvil verib.

Yerli sakinlərdən Bülent Altıntaş, "Maşını bir neçə gün əvvəl tərk etdilər. Kimə məxsus olduğu bəlli deyil.

Biz də təəccübləndik. Polisə xəbər verildi və evakuator maşını apardı. Bu, milli sərvətdir. Nostalji maşındır. Məhəlləmizdə yaşayanlar maşının hissələrini götürmək istəyirdilər, amma maşının üzərində nömrə var idi, lakin mühərrik sökülmüşdü".

Polis faktla bağlı araşdırmalara başlayıb.(sonxeber.az)