AYNA-nın 4,5 milyonluq tenderinin qalibi müəyyənləşdi

"Azərbaycan Yerüstü Nəqliyyat Agentliyi" (AYNA) Publik Hüquqi Şəxsinin elan etdiyi E-CMR və TTP, təhlil və hesabat sistemi, E-nəzarət, BRMS proqram təminatlarının hazırlanması, zəng mərkəzi proqram təminatının təkmilləşdirilməsi və illik texniki dəstək xidmətinin göstərilməsi ilə bağlı elan etdiyi tender başa çatıb. Avtosfer.az Oxu.az-a istinadən xəbər verir ki, tenderin qalibi "AZ Software System" MMC olub. Belə ki, qeyd olunan istiqamətdə işlərin görülməsinə 4 517 040 manat xərclənəcək.